Apartan o xuíz Luís Villares da sala do TSXG que xulga as autorizacións ás eólicas e a privatización do Cunqueiro

Xuízas e Xuíces para a Democracia amosa a súa preocupación polos traslados “forzosos” acordados na Sección 3ª da Sala do Contencioso do Tribunal Superior de Xustiza da Galiza que poden “afectar as garantías de inamobilidade e independencia xudicial”. Lembran que esta sección foi “obxecto constante de presión mediática e política” polas súas resolucións que en varios casos paralizaron as autorizacións a parques eólicos.