O sector gandeiro mobilízase contra a baixada dos prezos do leite

O sector do leite retomou onte as protestas para amosar o seu rexeitamento á baixada de prezos proposta polas industrias lácteas que operan na Galiza a partir do 1 de abril. As empresas ofrecen aos gandeiros galegos un descenso no prezo base do leite que oscila entre os 2 e os 10 céntimos. Esta rebaixa, advirten os sindicatos, sumada ao incremento dos custos de produción ligados á guerra en Oriente Medio, obrigarán os produtores a vender a perdas.