MAPA | Estes son os 164 concellos nos que o Martes de Entroido é festivo

O Entroido volve marcar o ritmo do calendario en Galiza. Tras unha fin de semana de comparsas, máscaras e troula, o Martes de Entroido convértese tamén en xornada non laborábel en 164 concellos , máis da metade do país. A decisión, recollida no Diario Oficial da Galiza, confirma que esta celebración non é só tradición popular, senón tamén unha data sinalada oficialmente nos almanaques municipais.