Rosa Crujeiras gaña a primeira volta das eleccións á Reitoría da USC e disputará o cargo con Maite Flores o 11 de marzo

A Universidade de Santiago de Compostela deberá agardar á segunda volta electoral para coñecer quen será a súa primeira reitora. Ningunha das catro candidatas acadou o apoio necesario para obter a maioría absoluta, polo que Rosa Crujeiras e Maite Flores competirán nunha nova votación decisiva.