Detectan elevados niveis de chumbo na auga da traída na contorna do IES de Beade

Varias análises realizadas na contorna do IES de Beade revelaron a presenza de chumbo e outros metais na auga da traída en distintos puntos exteriores ao centro educativo. Aínda que as instalacións interiores están en bo estado e os valores no instituto volveron á normalidade, a comunidade educativa continúa a consumir auga embotellada mentres se investiga a orixe do problema nas acometidas exteriores.