Verðmiðinn á Anderson hefur gríðarleg áhrif á markaðinn

Yfirvofandi félagaskipti Elliot Anderson frá Nottingham Forest til Manchester City fyrir um 116 milljónir punda gætu haft mikil áhrif á miðjumannamarkaðinn í sumar. Samkvæmt Sky Sports er búist við að kaupverðið á Anderson verði nýtt sem viðmið þegar aðrir eftirsóttir miðjumenn verða metnir á félagaskiptamarkaðnum. Fjöldi stórliða er enn í leit að styrkingu á miðsvæðinu. Arsenal, Liverpool, Manchester United, Tottenham og Chelsea hyggjast öll bæta við sig að minnsta kosti einum miðjumanni áður en glugginn lokar.