Остазыбызны искә алып

Татарстан журналистикасы дөньясы бу көннәрдә Казан университетының журналистика факультетына нигез салучы күренекле остазыбыз, күп буын матбугат әһелләренең «атасы» булган Флорид Имамәхмәт улы Әгъзамовның тууына 90 ел тулуны зурлап билгеләп үтә. Бу уңайдан башкалабызда шактый гына чаралар уздырылды. Остазга багышланган Халыкара медиафорум – шуның ачык чагылышы.