Татарстанда татар теле буенча имтихан бирүчеләр саны ике тапкырга арткан

Быел Татарстанда татар теле буенча бердәм республика имтиханын 79 чыгарылыш сыйныф укучысы тапшырган. Бу узган ел белән чагыштырганда бу ике тапкырга күбрәк. Имтиханның уртача нәтиҗәсе 84,56 балл тәшкил иткән. Бу хакта Татарстан мәгариф һәм фән министры Илсур Һадиуллин КФУда узган очрашуда хәбәр итте.