Социаль хезмәткәрләр йөрәк җылысын мохтаҗларга бирә

8 июньдә илебездә Социаль хезмәткәрләр көне билгеләп үтелә. Намуслы һәм олы җанлы хезмәт ияләренең һөнәри бәйрәме уңаеннан, Тукай районының Кызыл Байрак авылында узган төп Сабантуй тантанасында тармак алдынгыларына дәүләт бүләкләре тапшырылды. Югары Суыксу авылында яшәүче һәм гомерен мохтаҗларга ярдәм итүгә багышлаган социаль хезмәткәр Гөлназ Борһанова район башлыгы Камил Нәҗмиевның Мактау грамотасына лаек булды.