Руслан Галиев СВОда катнашучыларны һәм аларның гаилә әгъзаларын кабул итте

Тукай районы прокуроры Руслан Галиев һәм «Ватанны саклаучылар» фондының Татарстан Республикасы буенча филиалы вәкиле Айгөл Шабакаева гражданнарны шәхси кабул итте. Чара махсус хәрби операциядә катнашучыларның һәм аларның гаилә әгъзаларының хокукларын һәм законлы мәнфәгатьләрен яклау мәсьәләләренә багышланды. Хокукый ярдәм сорап барлыгы 14 кеше мөрәҗәгать итте, алар арасында Яр Чаллы шәһәре һәм Тукай районында яшәүчеләр бар.