Терлек кертү кагыйдәләрен бозучыларга 700 мең сумга кадәр штраф яный

Татарстан Республикасы буенча Россельхознадзор идарәсе фермерларга һәм шәхси хуҗалык ияләренә мөһим кисәтү белән мөрәҗәгать итә. Соңгы вакытта ветеринария таләпләрен үтәмәү очраклары ешаю сәбәпле, күзәтүче орган хайваннарны сатып алу һәм кертү тәртибен катгый контрольгә ала. Тиешле ветеринар документлары булмаган мал-туарны хуҗалыкка кертү административ кына түгел, хәтта җинаять җаваплылыгына да китерергә мөмкин.