Авыл мәктәбендә яңа мөмкинлекләр: Әлфия Борһанова тәҗрибәсе

«Яшьләр һәм балалар» милли проекты кысаларында авыл җирлегенә эшкә күчеп килүче педагогларга дәүләт акчалата ярдәм күрсәтүен дәвам итә. Татарстанда «Земский учитель» программасының ничек тормышка ашырылуы Әлфия Равил кызы Борһанова мисалында күрергә була. Инглиз теле укытучысы, Тукай муниципаль районы башлыгы гранты иясе проектта катнашучыларга нинди ярдәм күрсәтелүе һәм ни өчен эш урынын Тукай районыннан сайлавы турында сөйләде.