2026 елдан ата-аналарга еллык гаилә түләве кертелә

2026 елдан Россиядә ике һәм күбрәк бала тәрбияләүче гаиләләр ел саен гаилә түләве алачак. Әлеге түләүне алырга икесе дә рәсми рәвештә эшләүче, 18 яше тулмаган яки уку йортының көндезге бүлегендә укучы 23 яшькә кадәрге ике һәм аннан да күбрәк бала тәрбияләүче ата-аналар (уллыкка алучылар, опекуннар, попечительләр) хокуклы. Әмма шәхси эшмәкәрләр һәм үзмәшгульләр түләү ала алмый.