Түбән Кама фаҗигасендә һәлак булган Марат Нәҗиповның әнисе: «Үзебез аннан киңәшләр сорый идек»

«Түбән Кама Нефтехим»да чыккан янгында һәлак булучылар арасында 27 яшьлек Марат Нәҗипов та бар. Шәһәрдәге 29нчы янгын сүндерү частеның бүлек командиры иптәшләре белән фаҗига урынына иң беренчеләрдән булып килә. Әмма өенә исән-сау кайтырга насыйп булмый. «ВТ» хәбәрчесе батыр егет үстергән гаиләнең кайгысын уртаклашты.