Көкжайлаудағы қорғандар, қоныстар мен сужетек

Светлана Ромашкина, «Власть», фотосуреттер Данияр Мүсіровтікі Мамыр айының соңында Алматыда Көкжайлау шатқалындағы құрылыс жобалары бойынша қоғамдық тыңдау өтеді. Онда тау шаңғысына арналған жолдар, қонақүйлер, аспалы жолдар және тағы басқа нысандар пайда болмақ. Ал шатқалдың өзінде де, үстіртте де археологиялық ескерткіштер бар, олардың басым бөлігі әлі зерттелмеген. «Власть» тілшілері «Петроглиф ізшілері» (Охотники за петроглифами) қорының жетекшісі Ольга Гумировамен бірге құрылыс аймағына түсіп қалуы мүмкін қорғандар мен қоныстарды іздеп қайтты.