Татарстанда Ватанны саклап һәлак булганнар истәлеген мәңгеләштерү турында закон проекты әзерләнде

Татарстан Дәүләт Советы депутатлары Ватанны саклап һәлак булганнар истәлеген мәңгеләштерү өлкәсен көйләүче яңа закон проектын парламентка кертте. Документта махсус хәрби операция вакытында һәлак булганнарның истәлеген саклау, Хәтер китабын алып бару һәм яшьләргә патриотик тәрбия бирү мәсьәләләре дә каралган.