Por que me mirades así?, si, xa está aquí

Unhas pistas: están acartelados no Río Verbena de Pontevedra para o próximo agosto. Quérenche. E pregúntanse 'Por que me mirades así?. Exacto, La La Love You xa lanzaron novo álbum. Como nestes días de altas temperaturas apetece fresquito, incluímos o pop fresquito de Meler, que tamén traen sinxelo preguntón. Carlangas suma elepé, o terceiro en solitario, volve ál ámbito rockeiro con 'Universo paralelo'. Entre os sons urbanos, Matasvandals co sinxelo, 'Histeria'. E un tema para incluír a E neste episodio: 'Sin follar no hay amor' de Cosmética. Temos tamén o punk de Memocracia, ao valenciano Sienna que segue avanzando tracks do seu próximo elepé, e a Inoxidables que a próxima semana lanzan 'El mapa de la herida'. Máis rock intensito coa banda barcelonesa Allison Darwin e unha fusión de xéneros cunha debutante, Rita Ojanguren.