Cara a cara #702. Emilio del Río con 'Pequeña historia de la antigua Roma'

Descoñecer a historia é unha decisión persoal, igual que coñecela. Saber como contala de forma amena á vez que comprensible é virtude de Emilio del Río. O seu dominio da cultura clásica plásmase esta vez en 'Pequeña historia de la antigua Roma'. Un título recomendable a calquera idade e ilustrado unha vez máis por Julius. Desde a mitoloxía que envolve a fundación de Roma con Eneas ou Rómulo e Remo; pasando polos séculos de monarquía, República, a batalla contra os cartagineses de Aníbal, o Imperio romano e os seus césares, até a súa decadencia. O legado romano é actualidade tamén; e evidénciase nas explicacións que deixa neste episodio do podcast 'Cara a cara'. Emilio del Río é doutor en Filoloxía Clásica, profesor na Universidade Complutense, publicou cinco libros, tamén sobre a cultura romana e é autor do podcast 'Locos por los clásicos'.