{
  "$type": "site.standard.document",
  "bskyPostRef": {
    "cid": "bafyreibmelyf3jmm5ggvct4xtkmazv5d5lbkrx2hjp5tdajc7mjxfyrwle",
    "uri": "at://did:plc:a5hwxqdhpqu77wkw3f526vk2/app.bsky.feed.post/3mjrf27m3r4a2"
  },
  "coverImage": {
    "$type": "blob",
    "ref": {
      "$link": "bafkreibfb7vaf3vwy4qatimld74vtkpdnumib4icwpmmplaryuckngbazm"
    },
    "mimeType": "image/jpeg",
    "size": 538982
  },
  "path": "/gl/radio/familia-xachoconto-ceip-vilaverde-i_516415_102.html",
  "publishedAt": "2026-04-18T10:00:00.000Z",
  "site": "https://www.pontevedraviva.com",
  "tags": [
    "Radio",
    "A familia Xachoconto"
  ],
  "textContent": "Estudantes do CEIP Vilaverde de Pontevedra deixaron gravada neste podcast boa parte da súa visita a PontevedraViva Radio, enmarcada na proposta de fomento da lectura de 'A familia Xachoconto'. Un total de vinte e dous nenos e nenas de terceiro curso de Primaria (8 e 9 anos) tiveron ocasión de coñecer a redacción deste xornal dixital e igualmente a súa parte radiofónica. As diferenzas entre a radio analóxica e a radio dixital, contidos radiofónicos, quen son e que fan os técnicos de son, os locutores, os tertulianos... foron temas que se expuxeron na parte de aproximación aos medios de comunicación. Chegados á parte de promover o seu interese polos libros, a atención pasou á lectura dun extracto de 'Frei Perico e o seu borrico' de Juan Muñoz Martín; un clásico entre lectores destas idades. A parte máis lúdica estivo nun concurso, tipo pasapalabra, con preguntas relacionadas co texto escollido. Para terminar, puxeron en práctica o papel de tertulianos.",
  "title": "A familia Xachoconto. CEIP Vilaverde (I)"
}