{
  "$type": "site.standard.document",
  "bskyPostRef": {
    "cid": "bafyreicsu7sisq3kulz226mqsqtvwzto62onksgbco4rizs6fwvuuujrxm",
    "uri": "at://did:plc:a5hwxqdhpqu77wkw3f526vk2/app.bsky.feed.post/3mj7rlwwjzz72"
  },
  "coverImage": {
    "$type": "blob",
    "ref": {
      "$link": "bafkreiaikoiqga74xqxp6pttfqrkyvvx55kegpvbra4uejx2mvc26wrjj4"
    },
    "mimeType": "image/jpeg",
    "size": 870297
  },
  "path": "/gl/radio/podcast-libros-marta-dahlgren-diario-do-paraiso-cara_516156_102.html",
  "publishedAt": "2026-04-11T10:00:00.000Z",
  "site": "https://www.pontevedraviva.com",
  "tags": [
    "Radio",
    "Cara a cara"
  ],
  "textContent": "'Diario do paraíso' é o debut como novelista de Marta Dahlgren. Sueca de orixe, con nacionalidade española desde 1964, dedicou boa parte da súa vida profesional á docencia e á tradución. A autora sinala que se trata dunha ficción aínda que estea inspirada na biografía dunha parella que decidiu asentarse no Pazo do Cadro de San Tomé de Piñeiro, en Marín. A xornalista sueca Christina Lilliestierna e o seu marido Jean Novial. O relato discorre en voz de Iria que 'ten dezaseis anos cando comeza a traballar nun pazo decadente e inabarcable, como criada para todo. Ela e o seu irmán, que é o xardineiro, traballan duro para que os misteriosos dona Ana e don Juan poidan sobrevivir\". Escrita en galego, é \"o diario da relación entre todos eles, un diario dun paraíso. Pero os paraísos terreais non duran para sempre\". Dahlgren toma distancia para escribir esta novela contemporánea na que emprazamento e protagonistas non foron alleos á súa propia vida. Para descubrilo, convidamos a escoitar o podcast que PontevedraViva Radio dedicou a Lilliestierna e o Pazo do Cadro.",
  "title": "Cara a cara #700. Marta Dahlgren con 'Diario do paraíso'"
}