Dámosvos a murga. Primeira eliminatoria XXXIV Concurso de Murgas de Pontevedra

Na trixésimo cuarta edición do Concurso de Murgas de Pontevedra participan un total de oito murgas. Durante a primeira eliminatoria celebrada no Pazo da Cultura abriu a velada a Murga do Naveiro. A segunda agrupación que actuou foi Val do Lérez. A Tropa de Moncha A Caralla concursou en terceiro lugar e completou Os Trapalleiros. A presentación e condución do espectáculo corría a cargo da actriz pontevedresa, María Carreira. A segunda eliminatoria do concurso desenvolverase o mércores a partir das 21 horas, tras a que se coñecerán as murgas que pasarán á final do xoves.