Автоном янгын хәбәр иткече — гаиләгезне зур бәладән саклауның иң нәтиҗәле юлы

Торак секторда янгын куркынычсызлыгы мәсьәләсе һәрвакыт актуаль. Төзек булмаган электр чыбыклары, кабызып калдырылган приборлар яисә бер кечкенә саксызлык та гаиләгә зур бәла-каза китерергә мөмкин. Бу очракта кеше гомерен саклап калуда бәяләп бетергесез роль уйнаган җайланма — автоном янгын хәбәр иткече. Актаныш һәм Минзәлә районара янгын күзәтчелеге бүлегенең өлкән дәүләт инспекторы Илгиз Рәшитов барлык райондашларыбызга әлеге җайланманы урнаштырырга куша.