Гомерләрне саклаучы һөнәр иясе: Актанышның танылган хирургы Ирек Хафизов

21 июнь – Медицина хезмәткәрләре көне. Бу бәйрәм көнендә халык сәламәтлеге сагында торучы, үз эшенең остасы булган фидакарь җанлы табибларыбызга рәхмәт сүзләре җиткерәбез. Нәкъ менә шундый, райондашларыбызның тирән хөрмәтен казанган яшь, уңышлы һәм өметле табибларның берсе – Актаныш район үзәк хастаханәсенең хирургия бүлеге мөдире, табиб-хирург Хафизов Ирек Рәсим улы.