Юлларны саклау — көн таләбе!

Яр Чаллы шәһәрендәге «Юл хәрәкәте иминлеге» дәүләт бюджет учреждениесенең территориаль идарәсе җитәкчесе Резеда Гыйльметдинова Актаныш районының Юл куркынычсызлыгы комиссиясе утырышында һәрвакыт актуаль проблемаларны күтәрә. Бу юлы да комиссия әгъзаларының игътибарын чишелеш сорый торган мәсьәләгә юнәлтте. Соңгы елларда авыр йөк машиналары аркасында юлларның җимерелүе мәсьәләсе аеруча кискенләште. Бу проблема юл хәрәкәте иминлегенә турыдан-туры йогынты ясый. Резеда Рәҗәповна белән әлеге вәзгыять, контроль чаралары һәм аны хәл итү юллары турында сөйләштек