Актанышның нәсел тамырларын барлап: «Минем шәҗәрәм» бәйгесе җиңүчеләрен бүләкләделәр

Актаныш районы архив бүлегендә Татарстан Республикасының Архив эше буенча дәүләт комитеты игълан иткән «Минем шәҗәрәм» республика бәйгесенең муниципаль этабына йомгак ясалды. Конкурска килгән барлык эшләр дә аерым игътибарга лаек булды. Катнашучыларның үз нәсел шәҗәрәләрен зур кызыксыну, тырышлык һәм эзләнү белән башкарулары аеруча сөенечле.