Технология техникумында өченче тапкыр МХО батыры истәлегенә спорт ярышы уза

Бүген Актаныш технология техникумында өченче тапкыр рәттән, уку йортының элеккеге чыгарылыш студенты, махсус хәрби операциядә һәлак булган Раил Надриев истәлегенә «Ягез әле, егетләр!» хәрби-патриотик ярышлар уза. Раил Марсель улы технология техникумын тәмамлап яу кырында һәлак булган беренче студент. Ул үлгәннән соң «Батырлык» орденына лаек булды.