Алтын туй – гомерлек мәхәббәт символы

Актаныш авылында яшәүче хөрмәтле гаилә – Вәлиуллин Рәдис Шәрифулла улы белән Зифа Хәбибҗан кызы быел үзләренең уртак тормыш юлларына 50 ел тулу – алтын туйларын билгеләп үттеләр. Гаилә көне уңаеннан үткәрелгән тантанада бу матур пар үзләренең никахларын тагын бер кат ныгытып, истәлекле никах кәгазенә имзаларын салды. Бу мизгел – ярты гасыр дәвам иткән мәхәббәтнең, тугрылыкның һәм бер-берсенә терәк булуның ачык дәлиле булды.