Актаныш кырларында — язгы чәчү: вакыт, технология һәм нәтиҗә

Бүген Актаныш районы кырларында язгы чәчү эшләре кызу темпларда дәвам итә. Басуларда тормыш кайный: механизаторлар иртәдән кичкә кадәр хезмәт куя, заманча техника ярдәмендә чәчү эшләре оешкан төстә алып барыла. Кырлардагы вәзгыять белән якыннан танышу максатыннан, без район авыл хуҗалыгы һәм азык-төлек идарәсе башлыгы Нәфис Сәлимгәрәев белән сөйләштек. Аның сүзләренә караганда, быелгы кампания план нигезендә һәм яхшы темпта бара.