Россия Президенты Владимир Путин Указы буенча илдә беренче тапкыр Космос атналыгы уза

Россия Президенты Владимир Путин Указы буенча, 6–12 апрель көннәрендә илебездә беренче тапкыр Космос атналыгы уза. Ул бөтен ил буйлап меңнән артык вакыйганы үз эченә алачак. Космос атналыгы чаралары Фән һәм технологияләр унъеллыгы кысаларында узачак, дип хәбәр итә оештыручылар. Актанышның беренче санлы мәктәбендә инде чаралар үткәрелә башлады. Мәсәлән, 1, 3, 5,8,9,10 сыйныфларда һәм мәктәпнең Әҗәкүл башлангыч мәктәбендә «Мөһим әңгәмәләр» сыйныф сәгате космонавтика темасына багышланды.