«Без бергә» фонды директоры Лилия Гыйкрамина фронттагы солдатларга боткалар, ашлар әзерли

Тынгысыз җанлы, үз дигәненә ирешми тукталмый торган «Без бергә» фонды директоры Лилия Гыйкрамина махсус хәрби операциядәге солдатларыбызга җанын бирергә дә әзер. Инде берничә тапкыр кайнар ноктага кадәр үзе руль артында баруын исәпкә алсак, аның үҗәт тә, тырыш та, максатчан да икәне һәркемгә яхшы аңлашыла. Волонтер, бу юлы бернинди шартлар булмаган эш кабинетында, солдатларга тиз арада пешереп ашау өчен коры ашлар, итле боткалар ясарга керешкән.