«Актаныш хәрәкәте» әзерләгән соңгы гуманитар ярдәм 600 мең сумнан артып киткән

Актанышта махсус хәрби операциядәге солдатларга гуманитар ярдәм әзерләүче ике үзәк бар. Аның берсе 2022 елдан бирле эшләп килүче «Мы вместе- Без бергә» ярдәм фонды булса, икенчесе «Актаныш хәрәкәте». «Актаныш хәрәкәте» 2025 елның августында гына оешып китсә дә, инде район халкы арасында киң танылу алды. Кыска гына вакыт эчендә аларның фронтка җибәргән гуманитар ярдәме 2 миллион сумнан артып китә. Менә әле генә Чаллы волонтерлары- Татарстан Республикасында хокук саклау гаскәрләренең ветераннар һәм резерв хезмәткәрләренең региональ иҗтимагый оешмасы берлеге белән берлектә 600 мең сумлык кирәк-яраклар әзерләп фронтка озаттылар.