«Ел хатын-кызы. Ел ир-аты: хатын-кыз карашы» – иң лаеклыларны сайлау дәвам итә

«Ел хатын-кызы. Ел ир-аты: хатын-кыз карашы» республика бәйгесенең 2025 – 2026 ел зона турлары җиде районга бүленгән. Финалистлар белән янәдән Казанда очрашу көтелә. Ә шушы көннәрдә, ягъни 4 февральдә конкурс Яр Чаллы шәһәрендә узды. Тукай районы, Алабуга, Чаллы зонасы конкурсантлары белән таныштык. Көн дәвамында «КАМАЗ» мәдәният үзәге гөрләп торды, сәхнәдә 31 кешенең язмышы, хезмәт юлы, ирешкән уңышлары һәм җыр, биюләр яңгырады. Катнашучылар жюри әгъзаларын көлдерделәр дә, елаттылар да.